કોરબા જિલ્લાના મોરાગા ચોકી પર એક ભયાનક માર્ગ અકસ્માતમાં પતિ-પત્ની અને બે બાળકો સહિત ચાર લોકોના મોત થયા છે. બુધવારે સવારે 5 વાગ્યે આ અકસ્માત થયો હતો. પ્રત્યક્ષદર્શીઓએ જણાવ્યું કે મદનપુર ફોરેસ્ટ બેરિયર પાસે ટ્રકે કારને ટક્કર મારી હતી.
મોરાગા ચોકીના ઈન્ચાર્જ અશ્વની નિરંકારીએ જણાવ્યું કે મૃતક યુવક મનોજ કુમાર તિર્કી (41 વર્ષ) પોલીસ વિભાગમાં સબ ઈન્સ્પેક્ટર હતો. તે અંબિકાપુરનો રહેવાસી હતો અને જગદલપુરમાં પોસ્ટેડ હતો.
બુધવારે તેઓ પત્ની અને બે બાળકો સાથે અંબિકાપુરથી જગદલપુર જઈ રહ્યા હતા, ત્યારે કોરબાના મોરાગા ચોકી વિસ્તારમાં મદનપુર ફોરેસ્ટ બેરિયર પાસે એક બેકાબૂ ટ્રકે તેમની કારને સામેથી ટક્કર મારી હતી.
અકસ્માતમાં કારનો આગળનો ભાગ ખરાબ રીતે ક્ષતિગ્રસ્ત થયો હતો. સબ-ઇન્સ્પેક્ટર મનોજ કુમાર તિર્કી, તેમની પત્ની અને બંને બાળકોનું ઘટનાસ્થળે જ મોત થયું હતું. લોકોએ ઘટના અંગે પોલીસને જાણ કરી હતી. મોરાગા ચોકીના ઈન્ચાર્જ અશ્વની નિરંકારીએ જણાવ્યું કે કારમાં ચારેય મૃતદેહો ખરાબ રીતે ફસાઈ ગયા હતા, જેને કાઢીને પોસ્ટમોર્ટમ માટે મોકલી દેવામાં આવ્યા છે.
આરોપી ચાલક ટ્રક મુકીને નાસી ગયો હતો. જેની શોધખોળ ચાલી રહી છે. અકસ્માતને પગલે ઘટનાસ્થળે લોકોના ટોળેટોળા ઉમટી પડ્યા હતા. ચોકીના ઈન્ચાર્જે જણાવ્યું કે, બંને વાહનોની સ્પીડ ખૂબ જ ઝડપી હતી, જેના કારણે આ અકસ્માત થયો હતો. અથડામણમાં કારમાં સવાર કોઈ બચી શક્યું ન હતું. હાલમાં પોલીસે મૃતક સબ ઈન્સ્પેક્ટરના પરિવારને અકસ્માત અંગે જાણ કરી છે.
પોસ્ટમોર્ટમ બાદ અંતિમ સંસ્કાર માટે મૃતદેહ સ્વજનોને સોંપવામાં આવશે. પોલીસે જણાવ્યું કે આરોપી ડ્રાઈવરની ટૂંક સમયમાં ધરપકડ કરવામાં આવશે. હાલ આ મામલે આગળની કાર્યવાહી હાથ ધરી છે. પોલીસે ટ્રક કબજે કરી છે. પોલીસે જણાવ્યું કે મૃતક સબ ઈન્સ્પેક્ટરને એક પુત્ર અને એક પુત્રી છે. બંને હજુ શાળામાં ભણતા હતા.
અને ઉનાળાના વેકેશન બાદ માતા-પિતા સાથે અંબિકાપુર ગયા હતા. પિતાની નોકરી જગદલપુરમાં હતી, તેથી બધા રજાઓ મનાવીને અહીં પાછા ફરી રહ્યા હતા, તે દરમિયાન તેમનો અકસ્માત થયો.
source – vahalnodariyo
Related posts:
ભાઈની જાન માં ભોજપુરી ગીત પર નાચવાની નાં પાડતા યુવકે ડાન્સર ને મોત ને ઘાટ ઉતારી નાખ્યો, ચોંકાવનારો બનાવ…!
પત્નીને બચાવવા આવેલા યુવક ને પથ્થર વડે છુંદી નાખતા કમકમાટીભર્યું મોત, પત્ની રડી રડી ને બેભાન…
સુસાઇડ પહેલાં વીડિયો બનાવ્યો:‘તીનપત્તીમાં રૂ. 1 લાખથી વધુ હાર્યો, એટલાં પાપ છે કે શબ્દો નથી’ બોલી રાજકોટમાં ભરયુવાનીમાં CAના વિદ્યાર્થીએ આજી ડેમમાં કૂદી જિંદગી ટૂંકાવી